Divya bête jis rishte mein abhi se hee yeh sab ho raha ho- us rishte ka kya bhavishya ho sakta hai? Aap unse pyar karti hain- aur wo aapse jhagda karte hain, aapki insult karte hain - yeh kaun sa pyaar hota hai beta? Nahi, yadi abhi se hee apko yeh rishta khushi se zyada dukh de raha hai toh ye kis kaam ka. Kisi bhi rishte mein jhagda kam aur pyar, ek dusre ki izzat karna, khyaal rakhna, ye sab jyada zaruri hota hai. Beta jo aadmi aapke saath aaj aisa kar rahaa hai- wo baad mein kya kya karega? Khud sochiye!! Is waqt aapko ye karna bahut mushkil lagega - ki yeh nahin ho payega - lekin beta aap pehlee ladki nahin jo yeh kadam utha rahee hain... apne liye , apne bhavishya ke liye. Zindigi bahut lambi hai beta - aur bahut sundar bhi. Kadam uthao, hatao isse aur ek naya, surakshit, khushi jeevan ki pahal karo. Apne aap ko sambhalo, apne aap ko value do, aur apni life apne haath mein lo. Madad ke liye ise padh lo: All the best!! https://lovematters.in/en/news/shes-avoiding-me-now-what https://lovematters.in/hi/love-and-relationships/breaking-up/how-to-get-over-a-break-up-a-proven-technique Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum