Beta yeh ho sakta hai ki unhe ye pasand nahi aa raha ho ya aisa bhi ho sakta hai ki wo abhi iske liye taiyaar na ho. Bete sabse pahle toh aapko chahiye ki aap iske bare mein unse charcha kijiye – baat kijiye aur unki samasya ko samajhane ki koshish kijiye . Lekin uske baad bhi agar aapko aisa lagta hai ki wo sex mein bilkul bhi dilchaspi nahi dikhati aur saath hi beta – ho sakta hai ki sex unke liye zaruri na ho – wo keval aapko khus karne ke liye ye kar rahi hon. Aap unse kya apeksha rakhte hain, aapne bola hai – wo sex ke bare mein kya sochtee hain – pata lagayen – unki sahbhagita ke liye kahiye, ki aap unhe miss karte hain – aur phir bhi kuchh nahi toh shayad kuchh dinon ke liye sex se alag ho kar dekhiye – kya koi badlaav aata hai? Kahin aisa toh nahi ki we aapko khus karne ke liye, ki aap unhe chhod na den, is kism ki baat se darti hai aura apse saaf nahi kah rahi. Lekin beta – yeh koi yaari nahi - koi maza nahi, koi partnership nahi. Aap dono sochiye. Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum