Oh Bhavana bete, bahut dukh hua sunkar, aapki sthiti hum samajh sakte hain!! Bete sabse pahli baat kya aapne apne gharwalon se iske baare mein baat kiya hai?? Yadi sambhav ho toh apne gharwalon se baat kijiye aur unki madad lene ki koshish kijiye - kisi bharosemand dost ya relative ki bhi madad le saktin hai - ya agar aap chahen aur possible ho toh us ladke par kisi lawyer/wakeel ki madad se legal action le sakti hain ya police complaint kara sakti hain - aur apne liye nyay maang sakti hain. Saath hi ek aur baat hai bete is rishte mein ab bharosa, vishwas aur pyar nahi rahega So jab ek rishta ek makaam tak aa ke ruk jaata hai ya usmen dhokha mil jata hai toh use phir shuru karna ya us per hee tike rehana shayed itnee samjhdaari nahin. Aur us ladke ne ya uske gharwalon ne bhi rishte ke liye mana kar diya hai - toh aap apne liye nyay toh zarur maangiye, lekin sath hi aap aage bhi badhiye, naye kadam uthaiye, naye aur purane dost dhoondhiye, films, music, koi hobbies. Jaise ki unhone keeya hai. Apni zindigi jeene mein utar jaiye. All the best. Aapko Auntyji ka bahut sara pyar!! https://lovematters.in/en/news/shes-avoiding-me-now-what https://lovematters.in/hi/love-and-relationships/breaking-up/how-to-get-over-a-break-up-a-proven-technique https://lovematters.in/en/love-and-relationships/she-never-said-no-but-she-meant-so Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum