Ayesha bete yadi aapne emergency pills le liya hai toh is goli ko lene ke baad pregnancy ke chances bahut kam ya na ke barabar rah jate hai. Phir bhi yadi aap aur safe hona chahti hain to ek Home pregnancy test kar leejiye aur stithi nischit kar leejiye. Pet mein dard hone ke anya karan bhi ho sakte hain, jiske liye aap kisi panjikrit doctor se mill lijiye. Lekin emergency goli unsafe sex ke 72 ghanton ke andar hee lee jaati hai, aur yeh mahila ke masik dharm par asar kar saktee hai. PLEASE in goliyon ko laparvahi se istemaal mat keejiye. Aur safe sex ke liye condom ka istemal kiya jaata hai naa ki emergency pills ka bete, yaha padhiye zara: https://lovematters.in/hi/resource/safe-sex https://lovematters.in/hi/birth-control/top-10-facts-about-emergency-contraceptive-pills Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum