Oh God bete - so 20 July ko woh aapko block kar deta hai aur 27 ko shaadi. Iska matlab ki shadi ki planning chal rahee thee aur aapko pata bhi nahin, aisae jasie sab kuch ek dum normal - ek dum same. Yeh chall hai - dhokha hai beta. Bahut hee buri harkat kee hai is person ne. Ab sadma kewal ek pyaar khona ka nahin ek vishwaas tootne ka bhi hai. Bahut hee dukh hua sunn ke - aap asal mein bahut hee dukhi honge. LEKIN yeh ek sachhcai bhi hai beta. Na hee kuch ho sakta hai aur sach poochiye to is kism ka vyakti jo ki na sirf aapko dhokha de raha hai - us doosri ladki ko bhi - kya woh sach mein aapke layak hai, aapke pyaar ke layak hai? Maanti hun beta kehna asan hai, karna mushkil... lekin jitnee jaldi aap is vyakti ko bhool jaayein so behtar. Jitnee jaldi aap is sadme se ubhar paaein so behtar. Aap apne aap o sambhailiye - yaad rakhiey ki aapne poora nibhaya hai - ab us person mein sachchai nahin to aap kya kar saktee hain. Karne ke liye aapke paas bahut kuch hai - chahein to naakon chane chabaa saktee hain aap - police action tak le sakteen hain ... Lekin is waqt apne aap ko kaabu keejiye aur us person se chutkara leejiye - aur apne baare mein sochiye. Ok bete? Kyun na kisi saheli ya dost ya nazdiki person se jaa ke apne dill ka haal bata dein. Bahut pyaar aur sneh. LM ki Team, Auntyji ke saath. https://lovematters.in/hi/love-and-relationships/relationship-problems/cheating-top-five-facts Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum