Oh bête hum samajh sakte hain aapka dil bahut bhari ho raha hoga, aur aap pareshan hongi, lekin bête ek sachchayi yeh bhi hai ki jab hum love marriage karte hain toh hamen lagta hai ki ek dusre ki aankhon mein poori duniya dekh lenge- jabki baahar ek poori duniya chal rahi hai, jiska hum hissa hain, hai na? Aur yadi aapke husband samay de rahe hain paise kamane ke liye ya career banana ke liye aur abhi wo bachche ke liye taiyaar nahi hai toh shayad aapko bhi iske bare mein sochna chahiye- bachcha lana is duniya mein itna aasan bhi nahi hai- bahut kharch uthana padta hai- pahle aapdono thoda settle toh ho jaeeiye. Aap koshish kar ke unki baton ko bhi samajhne ki koshish kijiye – aur apni baat bhi unhe samjahane ki koshish kijiye. Wo apne kaam mein busy hai- ya apni life banana ki koshish kar rahe hain- iska matlab yeh nahi hai ki wo aapko pyar ya pasand nahi karte. Apni apekshayen match karne ki koshish kijiye- ek dusre par dosharopan mat kijiye aur thoda cool rahiye. https://lovematters.in/hi/love-and-relationships/sexual-harassment/8-signs-youre-in-an-abusive-relationship Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum