Bete aapki shadi ho gayi hai aur aapki gf ko bhi pata chal gaya aur wo aapse gussa ho gayi- ab aap unko manana chahte hain? Thik, lekin ek tarah se toh ladki aapki shadi ki baat janane ke baad aapko mana hee kar rahi hain na? Aur in sab ke baare mein aapki patni ka kya role hai ? Wo to aap dono ke pyaar ke programme mein phas gayi. Bete yeh bhi jaan lijiye ki bina divirce ke aap us ladki se shadi toh nahi kar sakte kyunki ye gairkanuni hai aur divorce ek lambi kanuni prakriya hoti hai, kaafi samay lag sakta hai aur kaafi sanyam bhi rakhna padta hai. Thoda vastvik hokar sochiye beta, filmi nahi. Ab aapne ek ladki ke saath shadi ka kadam uthaya hai – use nibhana bhi farz hai aapka aur unka haq bhi. Ek sachcha purush hone ka samay aa gaya – jaldi shuru kijiye. Madad ke liye ise bhi padhiye: https://lovematters.in/hi/marriage/marriage-troubles/tips-to-recover-from-cheating-in-marriage Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum