Bete XYZ, DO WE HAVE A NAME HERE - PLEASE DO ADD THE NAME OF THE PERSON WHEN YOU SEND A QUESTION So kya Auntyji sahi samjh rahee hai ki aapne 5 saal pehle ek school mein bf banaya tha - aur phir woh chala gaya. aap dono k bat bhi ruk gayee - phir aapne 2 saal baad ek Delhi boy se dosti ki, ab aapka BF hai aur woh Dasveen Kaksha ka ladka abhi bhi wahan hee hai? To rehne deejiye!! Lagta hai uski soch bhi waheen reh gayee hai. Kya aapka Delhi BF is person ke baare mein jaanta hai? Bata deejiye - jitna bhi batana chahtee hain - bas woh hee. So kum se kum woh pressure aur stress nahin rahega. Kar paayengee beta? Ab aati hai baat haath kaatne ki ityadi - yeh roz roz rona etc. Unki family mein kisi na kisi ko yeh sab bataa deejiyey - baat record kar leejiye. Saaf saaf naa bola hai aapne - ki kya unki dekh bhaal mein baat saaf nahin keh paaye abhi tak - to yeh bahut hee gadbad hogi. Kya aapki family iske baare mein jaanti hai? Mummy? Badi sister? Unki help le ke, uski family mein kisi ko phone karwa ke - yeh suicide ki dhamki, roz ka rona - yeh sab bata deejiye - bahut pyaar aur izzat se - taaki unhe is ladke ki pravriti ka pata ho - ki koi baat ho to aap par dosh na aaye... aur apne aap ko free keejiye. yeh sab baatien ek dum perfect stithi ki hain - lekin aap behatr jaanti hai kiaap in pmei se kya kar sakteen hain kya nahn. Bas aapko darna nahin hai, ek dum saaf spasht bolna hai, apne BF ki madad le sakteen hai - pyaar, izzat se baat keejiye - koi josh, be- hosh nahin. Ok beta? Jo yeh EX kar raha hai - woh black mail hai - lekin bahut pyaar se bhara, dukh se bhara - so aap jhanse mein aa rahee hain. Phir bhi - aapko achche se behave karna hai - lekin dosh ya kamzori se nahin. Ok ? https://lovematters.in/en/love-and-relationships/blackmail-in-relationships-top-facts Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum