Utejna hone par ling se paani niklna yeh toh bahut common see baat hai. Sex ki bhavna yadi adhik ho to yeh hona bahut hi common hai. Haan yeh toh zaroor hai ki yadi aap har mahila ya ladki se koi bhi baat karte waqt uttejit ho jaatey hain so shayad aapka nazariya mahilaon ke prati bahut ek arfaa hai… isme toh sudhaar laana hi chahiye. Har mahila sex ki vastu bilkul nahi! Relax, beta. Jaldi viryapaat hone se bhi koi baat nahin, don’t worry. Toh sabse pehle toh apni partner ki body ko samjh lo- usko time de do. Aur yadi shareer mein uttejna adhik ho, sex ki bhavna zyada hogi toh sheegra hi patan hone ki sambhavna bhi adhik ho sakti hai. Aisi stithi mein, partner par focus badhana, foreplay, yaani bete ki pravesh karne se pehle bahut se alag alag kriyaen karna , jinse dono ko anand mile, apne partner ki uttejna badhana, yeh sab activities sabse zaroori hain. Iske ilava, partner ke saath sex karne se pehle, ek baar hast maithun kar saktey hain, utne samay pehle jitne mein ling mein tanaav aa jaaye. Condom ka istemaal bhi jaldi discharge kum karne mein madadgaar saabit ho sakta hai. https://lovematters.in/hi/news/premature-ejaculation-top-five-facts Yadi aap is mudde par humse aur gehri charcha mein judna chahte hain toh hamare discussion board “Just Poocho” mein zaroor shamil hon! https://lovematters.in/en/forum

Comment

  • अनुमति रखने वाले HTML टैगस: <a href hreflang>