Beta aapki baat clear nahin - aap boys ke saath sex kartey hain - right? Abhi aapko kisi ek ladke se pyaar hai? Aur bol nahin paa rahe - kyun? Kya veh aapko pasand nahin karte ya aapse izzat se pesh nahin aate, ya unhe ladko mein dilchaspi nahin? Yadi veh ladko ke saath pasand nahin karte - to phir to yeh baat rakhne mein bada risk hai beta. Veh maan bhee saktey hain lekin manaa bhi kar saktey hain - aapke baare mein baatien phaila saktey hain - aapki ninda kar saktey hain . So iske liye zara maamla check keejiye - dekhiye ki kya veh bhi ladko ki or akarshit hain ya is baat ko kis nazar se dekhtey hain. yadi aapko koi gunjaish lagtee hai - to baat rakhne mein koi harz nahin Rahi baat doosre vyakti ki - yadi aapko veh pasand nahin - to unhe saaf boliye - saaf bataiye - ki aap sirf dost ho saktey hain - aur kuch nahin. Bhale hee veh dukhi hon - aapka farz hai ki aap baat saaf saaf batayein. Yeh dono maamle ekdum alag hain - unhe alag hee treat keejiye - so behtar, samjhe beta? Yadi aap kisi bhee doubt mein hain aur is mudde par humse aur gehri charcha mein judna chahte hain toh hamare discussion board 'Just Poocho' mein zaroor shamil ho sakte hain! https://lovematters.in/en/forum Hum yahi hain aapke liye.