Bete shadi ke liye ladki ki age 18 saal honi chahiye - shadi ke waqt - aap dono ne shadi kar li, so ismein samasya ho sakti hai. Please koi bhi kadam uthane se pehle - jis mein caste, dharam, age, parents ka virodh jaisee stithi saamne aa rahee ho- apni family aur apne lawyer / vakeel/ local police thaane, aas-paas koi NGO se apne haq aur adhikaron ke baare mein poori jaankari lein. Yadi koi kadam uthate hain - to uske kya parinaam kya ho sakte hain - sab pooch leejiye aur aapko aur family ko kiss-kiss stithi ke liye tayyar rehna hai - uski poori knowledge le leejiye. Akhir baat - apki GF - jo bhi hain, - unka kya kahna hai ab? Unse ek - do baar poori tareh se baat kar leejiye - ki koi bhi kadma uthane se phele kya veh poori tareh ready hain. Aap full force ke saath aage badh rahe hain - aur aapka saathi ghabra ke peeche hat jaye - to phir aapki poori planning reh jayegee. Is kism ke sab baatien sochiye - poochiye - jaankari leejiye - aur phir kadm utahiye. Umeed hai, sab baatein clear ho chuki hain. Aapko, hum sab ki ore se - best of luck. https://lovematters.in/hi/marriage/thinking-about-marriage/love-marriages Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum