Oh bete bahut dukh hua sunkar, lekin 8 saal ke intejar ke baad shadi huyi, aap dono ne ek lamba intezar kiya, fir aisa kyun?? Bete ek baar unse milkar bahut hi pyar se baat chit karne ki koshish kijiye - pata kijiye iska kya karan hai - lekin yeh bhi yaad rakhiye ki is rishte mein rahna ya na rahna unki marzi hai, unki marzi ka samman kijiyega - aap unse sirf isliye Haan nahi karwa sakte kyunki aap unse bahut pyar karte hain, kyunki jaisa aap bata rahe hain, wo shadi ke baad bhi kabhi aapke ghar rahne nahi aayi hain, isse toh yahi lagta hai ki wo is rishte mein rahna hi nahi chahti hain ya yeh bhi ho sakta hai ki karan kuchh aur ho - saath hi unhone aapse divorce bhi maanga hai - toh baat gambhir lagti hai, fir bhi ek koshish kijiye - baat kar ke, chahen toh kisi bharosemand dost, ya family member ki madad lijiye, Ok bete! Aapko Auntyji ka bahut sara pyar!! https://lovematters.in/en/news/shes-avoiding-me-now-what https://lovematters.in/hi/love-and-relationships/breaking-up/how-to-get-over-a-break-up-a-proven-technique Yadi aap kisi bhee mudde par humse gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum