Ridhima bete sabse pahle toh apne aap ko shant kijiye, relax!! Aapko darne ki zarurat nahi hai bete, aisee koi samasya nahi jiska samadhan na ho- kya aapne iske baare mein kisi se baat ki hai? Apne pariwarwalon se ya apne kisi dost se madad lene ki koshish klijiye- unhe poori sthiti samjhate hue, Ya aap chahen toh kanuni madad bhee le saktin hain. Apne aas paas kisi local police, kisi lawyer/wakeel ya kisi panjikrit NGO ya mahila helpline se salah lijiye. Bete shayad aapko aisa lag sakta hai ki ye bade bade kadam hain lekin isse behtar ki aap baar blackmail hoti rahen – aapko koi-na-koi kada kadam toh uthana hee hoga- toh kyun na ghar, pariwar ya doston se pahle shuru kiya jaye. Yeh bhi ho sakta hai ki ye keval ek gidadbhabhaki ho aur wo aapko dara kar apni marzi karna chahte ho? Sabse badi galti aap karengi ki – yadi aap darr ke baith jayengi- ek baar unhe lalkaariye aur kahiye ki jo karna hai kar len- phir dekhiye! aapke dubara likhne ka intezaar rahega!! https://lovematters.in/hi/love-and-relationships/sexual-harassment/abusive-relationships https://lovematters.in/hi/love-and-relationships/blackmail-in-relationships-top-facts Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum