Na hee hum aisee koi salah dete hain na dene waale hain beta. Aur sabse badi baat yeh bhi sach hai ki hymen cycling, tez daudna, ponchha lagana in sabki wazah se bhi tut sakta hai ya kisi kisi mein janm se hee hymen nahi hote hain. So wo to apni jagah sahi hee hai. Baat toh yeh bhi sach hai ki yadi koi ladki apni sex history bata de – uske parinaam bhi aap jaante hain – bahut hi kam hua hoga ki us pati ne unhe poori tarah sweekara hoga. Ladkiyon mein “seal” proof hai – toh ladkon mein? Ki ya yeh pramaan keval ladkiyon par hi laagu hota hai beta. Yeh bhi soch hai ki jab aap kisi se love affair karte hain – aap sex bhi kar lete hain – lekin jab wo rishta khatam hota hai toh uske saath yeh sab bhi koi jyaada maayne nahin rakhta – ab aap shadi karte hain – unke saath life banate hain – toh us puraani baat ka ab kya matlab/wo toh samapt ho gaya – shaayad saalon pahle…. Toh kya uski wazah se aane wali life, prtner dono ko tyaag dena behtar hai ya ek naye umang se life shuru karna/ kya ham apne saath mein pyaar sneh izzat dhundte hain – ya wo keval “Jhilli” ya kisi purane rishte mein bandhi huyi hai? Is surat mein ladki kya kare? Aap hamee se pooch rahe hain – aapse bhi wahi sawal hai beta – maaniye aapki family mein koi ladki apne BF se sex kar leti hai – rishta toot jata hai – Kya aap bhai/dost/chacha/mama hone ke naate use kahenge – “Sabse pahle use bata de tune pahle sex kiya hai -taaki use dhokha na mile”. Uska kya parinaam ho sakta hai – Sochiye. Thoda socho beta – hamari nazar mein batana ya na batana dono nirnay aapke khud ke hain. Jis mein aapko zyada theek lage – wo keejiye, Of Course, Ye bhi sach hai. Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum