Tipu bete isliye hum hamesha yeh salah dete hain ki aise rishto se bach ke rahna chahiye, Apne se umar mein badi mahila ya talaksuda mahila ke saath sambadh ke bare mein bahut se log sochtey hain - lekin isse aap badi musibat mein pad sakte hain. Aapne iske baare mein kisi se baat ki hai? Sabse pahle call block karna, social sites ya media se unko alag kijiye. Apne pariwar ke kisi sadasya, dost ya kisi bharosemand rishtedaar ki maadad lene ki koshish kijiye - yadi aap chahen toh police ki madad lijiye, lekin tab jab unke paas koi aisa sabut na ho, jisse aapko pareshani ho jaye. Chahen toh ek baar unse bhi baat kar ke dekhiye ki aap shadi suda hain aur bina divorce ke dusri shadi gairkanuni hai - sath hi aapki wife ke liye aapki jimmedariyan hain - ye unhe samjhane ki koshish kijiye. Bete bahut soch samajh kar nirnay lijiye aur is samasya ka hal nikalne ki koshish kijiye. Jara yeh writup bhi padh lo : https://lovematters.in/hi/making-love/turned-on-by-older-women-is-that-normal https://lovematters.in/hi/making-love/should-i-sleep-with-my-neighbourhood-bhaabhi Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum