Tanu bete sabse pahli baat ki aapki baaton se yahi lagta hai ki aapke honewale husband ko yeh baat pata chal gayi hai aur unhone koi shikayat nahi ki aapse, jabki aapke husband ko wo ladka blackmail kar raha hai. Yeh sochiye ki aapke honewale husband ka kitna jyada support hai aapke liye!! Isse achchi baat aur kya ho sakti hai!! Haan, aap dariye mat - thodi himmat dikhaaeeye, suniye bete aap cyber police ya mahila helpline number par call kar sakti hain - aapki details gopniye rakhi jayengi aur aapko poori madad milegi. Poilce ke naam se dariye nahi. Police aapki madad ke liye hai - Ek baar poilce ko uski poori detail bata dijiye - agar uske baad woh aisa kuch galat kaam karta hai to yeh kanooni taur pe bhi galat hoga. India mein Revenge Porn ek apraadh hai, bete. yadi koi aapke antrang picture ka upyog social sites par ya society mein viral karta hai, to aap uske khilaf police me complain/ shikayat darj kara sakti hain - iski bharpayi ke liye IT Act aur IPC ke tahat kai pravdhaan hain - yahan aniche diye gaye link par aur detail mein padho - Aap unhe ye message dijiye ki aap kanun ki help lene ja rahi hain - fir dekhiye, bas darna nahi - aapke dubara likhne ka intezar rahega!! https://lovematters.in/hi/love-and-relationships/revenge-porn-how-to-deal-with-it https://lovematters.in/en/love-and-relationships/blackmail-in-relationships-top-facts https://lovematters.in/hi/love-and-relationships/sexual-harassment/abusive-relationships Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum