Bete sabse pahle apne aap ko shant kijiye...kya aapne iske bare mein apne ghar ke kisi bharosemand sadasya se charcha ki hai?? Kisi bahut bharosemand family member, relative ya dost ki madad lene ki koshish kijiye. Aur aapne mahila helpline me madad maangi toh unka kya response tha bete?? Agar wo aapko fir dhamki de rahe hain, toh sochiye kahi ye sirf ek gidadbhabhaki toh nahi? Sabse badi galti aap karengi ki – yadi aap darr ke baith jayengi- ek baar unhe lalkaariye aur kahiye ki jo karna hai kar len- phir dekhiye! Daisy bete aap mahila helpline number pe dubara call kijiye ya cyber police ko inform kijiye aur sthiti ki jankari dijiye - darna bilkul bhi nahi bete. Ek baar poilce ko uski poori detail bata dijiye - agar uske baad woh aisa kuch galat kaam karta hai to yeh kanooni taur pe bhi galat hoga. India mein Revenge Porn ek apraadh hai, bete. yadi koi aapke antrang picture ka durupyog karta hai, to aap uske khilaf police me complain/ shikayat darj kara sakti hain - iski bharpayi ke liye IT Act aur IPC ke tahat kai pravdhaan hain - yahan aur detail padho - https://lovematters.in/hi/love-and-relationships/revenge-porn-how-to-deal-with-it Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum