Bete suniye, darna nahi..pahle apne aap ko shant karo. Aisee koi samasya nahi jiska samadhan na ho- kya aapne iske baare mein kisi se baat ki hai? Apne pariwarwalon se ya apne kisi dost se madad lene ki koshish klijiye- unhe poori sthiti samjhate hue, Ya aap chahen toh kanuni madad bhee le saktin hain. Apne aas paas kisi local police, kisi lawyer/wakeel ya kisi panjikrit NGO se salah lijiye. Bete shayad aapko aisa lag sakta hai ki ye bade bade kadam hain lekin isse behtar ki aap baar blackmail hoti rahen – aapko koi-na-koi kada kadam toh uthana hee hoga- toh kyun na ghar, pariwar ya doston se pahle shuru kiya jaye. Aur jahan tak baat badnaami ki hai toh yeh toh aam dhamki hai jo aurton ko saalon se dee ja rahi hai, lekin bête ismein jitni badnaami aapki hai, utni unki bhee hai- toh kya wo itna bada risk lena pasand karenge- yeh baat khud sochiye- aap unhe behtar janti hain. Kya yeh keval ek gidadbhabhaki toh nahi? Sabse badi galti aap karengi ki – yadi aap darr ke baith jayengi- ek baar unhe lalkaariye aur kahiye ki jo karna hai kar len- phir dekhiye! Akancha puttar aap cyber police ya mahila helpline number pe bhi call kar sakti hain - aapki details gopniye rakhi jayengi aur aapko poori madad milegi. Poilce ke naam se dariye nahi. Police aapki madad ke liye hai - Ek baar poilce ko uski poori detail bata dijiye - agar uske baad woh aisa kuch galat kaam karta hai to yeh kanooni taur pe bhi galat hoga. India mein Revenge Porn ek apraadh hai, bete. yadi koi aapke antrang picture ka upyog karke porn banata hai, to aap uske khilaf police me complain/ shikayat darj kara sakti hain - iski bharpayi ke liye IT Act aur IPC ke tahat kai pravdhaan hain - yahan aur detail padho - https://lovematters.in/hi/love-and-relationships/revenge-porn-how-to-deal-with-it Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum