Oh Pooja bete, aapki sthiti hum samajh sakte hain!! Lekin bete darna nahi- pahle apne aap ko shant karo - aur wo jo demand kar rahe hain, unhe koi bhi video ya photo bilkul bhi mat bhejna - pahle hi unke paas aapke kuchh photos hain, ho sakta hai ki ye keval ek dhamki ho - aur wo aapko dara kar apni baat manwane ki koshish kar rahe hon, OK! Yadi veh dhamki dey rahe hain to sabse pahle - call block karo - social media se block karo, aur agar aapke ghar mein koi bharosemand sadasya ho, uski madad lene ki koshish karo - ya kisi bahut bharosemand dosht ki bhi madad le sakti ho aap - balki bahut hee zyada baat badh jaaye to Police station mein jaa ke - ek Daily report hoti hai - woh likhwa dena - ki aapko yeh ladka daraa raha hai, dhamkaa raha hai - yeh bhi ho sakta hai, agar aap thjodi himmat karen toh! Yadi koi dhamki dey - to hume darna nahin hai - pehle shaant aur khaamosh rehna hai - aur phir unhe karne dena hai - aap bhi unhe police mein jane ki dhamki de sakti hain - unhe bhi toh apni izzat ka dar hoga?? Yadi possible ho toh unki family mein kisi na kisi ko yeh sab bataa deejiye - baat record kar leejiye - ye aapke kaam aa sakta hai aur bete bahut hi samajhdari se kaam lijiye. Madad ke liye niche diya hua link padhiye aur hamen dubara likhiye. https://lovematters.in/en/love-and-relationships/blackmail-in-relationships-top-facts Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum