Oh Nagma bete yeh toh gambhir sthiti hai!! Lekin bete marna kisi bhi samasya ka hal nahi ho sakta hai!! So, jine ke liye taiyaar ho jaaeeye aur in jaise logon ka saamna karne ke liye bhi. Dekhiye bete kisi bhi sexual activity mein ek cheez bohot hi important hai woh hai dono logo ki sehmati. Yadi woh aapko iske liye force kar rahen hain toh yeh jaaiz demand nahin- aap unhe saaf saaf mana kar dijiye. Aur aap himmat se kaam lijiye - Suniye bete wo jo aapke relative hain, unse duri banaeeye, aur aap bhi unhe dhamka saktin hain ki aap Police station mein jaa ke - ek Daily report hoti hai - woh likhwa dengi - ki aapko yeh aadmi daraa rahe hai, dhamkaa rahee hai - yeh bhi ho sakta hai. Yadi aap Police complain kartin hain toh police koi bewakoof nahin hai - ki samajh nahin payegee. Saath hi aapke pati aap par shaq karte hain- phir bhi yadi aap chahen toh mauka aur mood dekh kar unse ek baar iske baare mein baat kar ke dekhiye - shayad wo aapki pareshani samajhen- aur iska hal nikal aaye. Yadi aap chahen toh apne kisi bharosemand dost, rishtedaar ya apne pariwar ke kisi sadasya se iske baare mein baat kijiye. Aapne kaha wo blackmail karte hain- uske paas kuch aise proff hain ya aapki chating hai... ok? So yadi koi dhamki dey - to hame darna nahin hai - pehle shaant aur khaamosh rehna hai - aur phir unhe jo karna hai karne dena hai. Darna nahi bete..saamna karna..OK!! Jahan tak aapki shadi suda zindgi ki baat hai toh aapki umra abhi keval 26 saal hai aur aapki shadi ko 10 saal ho gaye hain- aap unse bahut pyar kartin hain aur itne saalon baad bhi wo aap par shaq karte hain- aapko pasand nahi karte?? Kya aapne iske baare mein apne aur unke pariwarwalon se baat ki hai? Please unse iske baare mein baat kijiye- kyunki aise toh aage ki life jina bhi muskil ho jayega. Ise padhiye: https://lovematters.in/hi/love-and-relationships/sexual-harassment/8-signs-youre-in-an-abusive-relationship Bete pahle in sabko thik kar lijiye phir pregnancy ke liye Please kisi achchhe visheshgya ya panjikrit doctor se mill lijiye aur unke regular consult mein rahiye, aap chinta mat kijiye aur doctor ke nirdesh ka palan kijiye. All the best! Aur pregnancy ke tips yaha bhee pahdiye: https://lovematters.in/hi/resource/tips https://lovematters.in/hi/resource/pregnancy Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum