Bete Kyunki aap pooch rahi hain so bata dete hain LEKIN, yeh ek bhraosemand upay NAHIN mana jaata. Aap condom ke istemaal ke baare mein kyun nahin sochti. Apne maasik chakr ko 4- 6 mahine dekhiye- who kitne dino mein aata hai. 28 , 30, 32... lekin isse zyada nahin. Isse note keejiye, aapko apne gap ka pata padh jayega. Phir mahine ke pehle din se aap aage 14 din gineenge- jo tareek miltee hai usse 2 din pehle aur 20 din baad – yaani 5 poore din aapko bilkul parkez karn ahai ya phir condom use karna hai. Yeh mana jaaat ahai ki mahine shuru ke 14ve din ke aas apaas mahila k aanda aata hai, jo ki sirf 24 gahntey jeevit rehta hai. Is tareeke ko apnane mein koi gaurantee nahin.Bachav ke liye, condom hee ek maatra tareeka hai- ya phir garbhnirodhak goli. NAME HERE, garbhpaat tak baat pahuch jaye to kisi ko achcha nahin lagta – nisandeh. Aur saath hee saath aapka sex se bhi mood oob jaata hai – rishtey mein bhi malal aa sakta hai. Apna khyal keejiye, apne shareer ko maan deejiye aur koi risk mat leejiye. Kripya upar batayi gaye points ko sochiye aur sawadhanee bartiye. yadi aapko garbh reh gaya to yeh ehsaas kaafi chintagrasta ho sakta hai, rishte ko leke aur aage ki life mein bhi. Yadi aap is mudde par humse aur gehri charcha mein judna chahte hain to hamare disccsion board “Just Poocho” mein zaroor shamil ho! https://lovematters.in/en/forum