Pehli baar sex me sabse important hai dono partners ke beech mutual consent hona! Kya apka partner keval apko khush rakhne ke liye apke saath sexual relationship bana raha hai ya phir wo khud bhi yeh karna chahta hai? Iss baat ki confirmation ke liye aap apne partner se yeh baat saaf saaf bhi puch sakte hain ki wo sex kyu karna chahte hain.
Agar apko lage ki wo abhi puri tarah ready nahi hai ya hesitate kar rahe hai toh behtar yehi hoga ki aap unke saath zabardasti naa kare. Dhyaan rahe ki zabardasti sirf bodily hi nahi hoti, apne partner ko sex ke liye emotional kar ke manwana bhi zabardasti hi kehlaega.
Agar sexual activity ke dauraan kabhi bhi aap ya apka partner kisi chiz ko lekar uncomfortable feel kare toh aap ya aapka partner usi time dusre ko mana kar sakte hain. Iske alawa anal sex ya oral sex ke baare me ek dusre ke vichaar pehle se jaan lena bhi aap dono ke pehle sex experience ko aur behtar banaega.
Yeh decision apne partner par chhor dein ki wo kya chahta/chahti hai. Apka partner kya chahta hai aur kya nahi yeh samajhna aapke liye utna hi important hai jitna ki yeh janna ki aap kya chahte hain.
Agar aapke kuch karne se aapke partner ko uncomfortable feel ho raha hai toh turant ruk jaye aur agar aapke saathi ki kinhi baaton ya actions se aap uncomfortable feel kar rahe ho toh yeh baat unhe clear words me samajhana aap dono ki liye behtar hoga.
Dosto foreplay ko nazar andaaz na kare! Vagina - penis sex karte hue to yeh aur bhi important ho jata hai kyuki foreplay jitna zyada hoga utni hi vagina me wetness badhegi aur body utni jaldi sex ke liye relax hogi.
Isse ladko ko bhi apna penis excite karne me help milti hai. Halaki, ladko aur ladkiyo ki excited hone ki pace me kaafi difference hota hai - jaha ladke jaldi excited ho jaate hain wahi ladkiyo ko excited hone me time lagta hai - isliye ladko ke liye toh foreplay karna aur bhi zyada important ho jaata hai!
Foreplay karne ka sabse easy tareeka hai kiss - ek dusre ko kiss se puri body me ek jhurjhuri paida hoti hai aur yeh aapke paet me ajeeb si sensation paida karta hai. Aam taur par, ladko ke comparison me ladkiyo ko isme zyada mazza aata hai. Halaki yeh sabhi ke liye sahi nahi ho sakta.
Kisi aur ke body ko touch karne aur pyaar karne se pehle apne body ke saath comfortable ho jaana behtar hoga. Apne aap ko sparsh kare aur yeh pata lagaane ki koshish kare ki kaha touch karne se aapko zyada mazza aata hai. Agar aap apne body ko achchi tarah se jaante - samajhte hain aur khud orgasm de sakte hain, toh yeh aapke liye apne saathi ke saamne apni desires ko express karna aur unhe yeh batana ki aap kya chahte hain kaafi easy bana dega.
Apni ungliyo ko dheela chhore aur apne saathi ke body ko feel kare. Yeh excitement aur desires paida karta hai aur apne saathi ko uttejit karne ka yeh ek shaandaar tareeka hai. Agar apka partner aapke touch ke saath comfortable hai toh sexual organs ke saath khelna shuru karen. Khud orgasm chahne ya demand karne se pehle agar aap apne partner ko orgasm denge toh unhe zyada khushi hogi.
Vaginal penetration se pehle agar aap apne partner ko puri tarah se excite karna chahte hain toh oral sex se achcha option kuch nahi ho sakta. Jaha males ka penis toh iss baare me sochne bhar se hi erect ho jaata hai wahi isse females ki vagina me bhi wetness paida hoti hai jo behtareen sex experience ke liye behad important hai.
Yaha ek aur baat jo dhyaan dene layak hai wo yeh ki keval vaginal penetration se mahilaayo ko orgasm milna kaafi mushkil ho sakta hai lekin oral sex iss mushkil kaam ko behad aasaan bana sakta hai. Iske alawa vaginal penetration sex ke comparison me oral sex ek mahila ke liye zyada intimate hota hai.
Anal sex ke baare me sabse pehli aur sabse important baat yeh hai ki har ek insaan iske saath comfortable nahi ho paata. Lekin phir bhi agar aap aur apka partner chahte hai toh humari opinion yehi hogi ki lubricant ka use karna na bhule.
Anal sex ke liye dono partners ka iske saath comfortable hona bohot important hai kyuki agar ise sahi tareeke se nahi kiya gaya toh yeh ek ya dono partners ko bodily harm bhi pauch sakta hai.
Kya aap unn me se hain jo bedsheet ke niche vibrator dekh kar apne partner se nafrat karne lag jaate hain ya phir aap unme se hain jo bedroom me sex doll ko dekhkar aasmaan sar par utha leti hain?
Sex toys dekhkar frustate hona ya unko lekar naraaz hone ka koi faida nahi hoga. Apko yeh soch kar bhi pareshaan hone ki koi zarurat nahi hai ki ab aapke partner ko aapki koi zarurat nahi hai. Infact, sex toys bedroom me aapke sex experience me double triple increment paida kar sakte hain.
Vibrator ke help se apni female partner ko orgasm ka sukh dena fingers se kahi asaan aur kahi behtar experience hoga. Toh agli baar Valentines’ day par ya unke birthday par unhe ek vibrator gift kar dijiye aur possibility yehi hai ki wo apko aur apke diye gaye gift ko humesha yaad rakhegi!
Contraceptives ya garbh nirodhak bahut important hain. Phir chaahe wo purushon ke liye condom ki baat ho ya mahilaon ke liye garbnirodhak goliyan. Pehli baar sex karne se pehle iske baare me information lena na bhule.
Condom behad zaruri hai - Yeh na keval contraceptives ki tarah kaam karte hain balki STD se bhi aap dono ko protect karta hain. Isliye sex karne se pehle yeh sunischit kare ki aapke paas condom available hai. Yeh ladkiyo aur ladko dono ke liye hi beneficial hai.
First time jab sex karenge toh possibility yehi hai ki aapka experience kuch bohot memorable nahi hoga. Ho sakta hai ki saara process palak jhapakte hi pura ho jaaye. Yeh bhi dhyaan rahe ki real life me sex porn me dikhaaye jaane wale sex se kahi alag hota hai.
Females ke liye - ho sakta hai ki apka orgasm ho, ya yeh bhi ho sakta hai ke na ho. Yeh bilkul common hai lekin practice ke saath yeh aur better hota jayega.
Toh kaisa tha apka pehla sex experience? Apni kahani humhare facebook page par Love Matters ke saath share kare. Agar aapke paas koi special question hai, toh humhare discussion board par jaaye.