woman on top
Shutterstock/Sean Nel

Kabhi cowgirl position me sex kiya hai?

By Kate R September 15, 04:39 pm
Purush aur ek mahila ke beech ke sex ka khyaal aate hi aap admi ko mahila ke upar chadhe dekhna shuru kar dete hain. Lekin mahila upar chadhi ho toh? Humne 6 puroshon se iss position ke baare me discuss kiya.

Orgasm usi position me hota hai

Hum dono ko sex ke dauraan nayi positions try karna achcha lagta hai. Ek din meri partner ne suggest kiya ki aaj wo mere upar chadh kar sex karna chahti hai. Uske upar aane ke baad jab maine uske clitoris ko chuaa toh use itna zada achcha laga ke mai bata nahi sakta. 

Use uss din orgasm tak pauchne me oral sex se bhi kum time laga aur ye dekh kar mai hairaan tha. Ab jab bhi use orgasm ka mann hota hai toh hum isi position me pehle sex karte hain lekin uske baad hum phir se missionary position me kar lete hain jisse mujhe bhi orgasm ho sake.

Ramit Gupta, Broker, 24

Hamare liye experience uneasy tha

Ek din mai apni girlfriend ke saath porn dekh raha tha jaha par humne ye position pehli baar dekhi. Uske baad maine ye suggestion diya ke hume bhi ye position ek baar zarur try karna chahiye. Lekin turant hi hum dono ko feel ho gaya ki hum galat kar rahe hain. Wo hum dono ke liye hi behad uneasy experience tha aur humne aur try karna theek nahi samjha.

Haris Umar, Banker, 28

Ladkiyo ko satisfied feel hota hai

Mujhe cowgirl position pasand hai lekin ise karne ki ek khaas kala hoti hai aur har ladki usme master nahi hoti. Isko karne ka ek special tareeka (ladki dwara ladke ki penis ke upar up down motion) hai jisme dono partners ko barabar mazze aate hain lekin zadatar log ise chakki peesne ki tarah karte hain. Aisa karne se ladke ko to khaas mazza nahi milta hai, but haan ladki ko bohot achcha lag sakta hai. 

Ankit Rai, Research Scholar, 33

Mera orgasm hona to mushkil ha

Jab maine aur mere partner ne iss position me sex kiya toh mere liye wo badi uncomfortable condition thi. Isko karne ka suggestion bhi usi ne diya tha. Waise iske baare me kuch toh aisa hai jo maahaul ko behad sexy bana deta hai. Shayad main apni girlfriend ko aise aanand uthaate huye dekh kar deewana ho jata hun. Lekin ek baat hai - Mujhe isme koi khaas mazza nahi ata.

Mohit Garg, Businessman, 31

Mahilao ko ye nahi karna chahiye

Sex karte time, kuch chize hoti hain jaise purush karte hain aur kuch chize hain jo mahilao ko karna chahiye. Mujhe nahi lagta lagta ki mahilao ko sex ke dauraan yeh karna chahiye. Mai ek baar ek ladki ke saath tha aur jab usne aisa karne ki koshish ki toh maine jald hi sex khatam kar dia. Uske baad humara break up ho gaya aur waise toh uske kayi aur reasons bhi the lekin agar sach kahu toh uska sex ke dauraan cowgirl position karna ek important reason tha.

Manoj Bhagat, IT, 31

Mujhe control me rehna pasand hai

Jab mai sex kar raha hota hun, toh mujhe control me rehna pasand hota hai. Aur cowgirl wali position mujhse wo control chin leti hai. Shayad yehi reason hai ki mai iske saath kabhi bhi comfortable nahi ho paya.

Vineet Meena, Businessman, 27

Privacy banaaye rakhne ke liye naam badal diye gaye hain.

Kya aap sex positions experiment karte hain? Humare facebook page par Love Matters(LM) ke saath apne vichaar share kare. Agar apke paas koi special question hai, toh please humare Discussion board par LM specialist se puche.

Comments
Add new comment

Comment

  • Allowed HTML tags: <a href hreflang>