Sex karna chahte hain, par kya aap taiyyar hain?

Apko sex relation banaane ke baare me tab sochna chaiye jab aap sach me yeh karna chahte hain aur apne mann me kisi ke liye sexual feelings rakhte hain. Sirf isliye sex karne ke baare me naa soche kyuki aap ki ek certain age ho chuki hai ya phir aap par apne partner ko shareerik sukh dene ka pressure hai, ya aapke aas paas wala har insaan yeh kar raha hai.

Kisi ke bhi saath sex karne se pehle yeh zaruri hai ki aap unke saath puri tarah se comfortable feel kar rahe ho. Agar aapke mann me sex ko leke koi bhi question, darr ya chinta hai toh use apne saathi ke saath zarur share kare.

Aaj ki society me consent ek important issue hai. Kayi logo ko yeh aasaan si baat samajhne me pareshaani hoti hai ki naa ka matlab naa hota hai. Yaha iss par bhi gaur karna zaruri hai ki agar aap ya aapke partner behosh hain ya sharaab ya nasheele substance ka use karne ki wajah se unconscious hai, toh legally iska meaning yeh hai ki wo consent dene me incapable hain. Iss baare me bhi pehle se baat kar li jaaye toh behtar hai.

Sexual activity karte huye kisi bhi time aap naa keh sakte hain. Agar aap oral sex ya anal sex nahi karna chahte ya inhe lekar aapke mann me koi bhi doubt hai toh iss baare me apne partner se pehle hi baat karle.

Orgasm aur usse related information ke baare me padhe. Jaise male ka orgasm jaldi hota hai, females ko time lagta hai, G spot, wageraah wageraah!

Sex ki shuruwaat karne se pehle achcha hoga ki aap masturbate kare. Isse apko apne body ko jaanne aur samajhne me help milegi. Iske alawa aapko yeh bhi pata chal sakega ki kya karne se apko pleasure milega aur kya aapke liye painful ho sakta hai. Yeh zaruri hai ki aapko pata ho ki aapke liye kya achcha hai jisse ki aap yeh baat apne partner ko bata sake.

Agar pain hota hai toh ghabraane ki koi baat nahi. Pehli baar jab aap sex karte hain toh dard ho sakta hai ya aapko bohot achcha feel ho sakta hai ya ho sakta hai ki yeh dono hi baate ho jaaye. 

Jab ek mahila pehli baar sex karti hai jisme penis penetration hota hai toh use dard ho sakta hai aur uski vagina se blood bhi aa sakta hai. Lekin yeh zaruri nahi ke aisa har kisi ke saath ho. 

Purusho ki baat kare toh ho sakta hai ki pehli baar aapke penis ko appropriate excitement naa mile. Yeh bhi ho sakta hai ki woh lambe time tak erect naa reh paaye. Sex ke liye use hone waale apne sexual organs ke saath comfortable hone me aapko thoda time zarur lagega lekin agar bahut he zyada dard ho toh doctor se raaye lena zaruri hai.

Pehli baar sex se zyada badi ummeede na lagaaye - ho sakta hai ki aapka orgasm bhi na ho. Lekin isme ghabraane ki koi baat nahi hai! Ho sakta hai ki aapke aur aapke partner ki orgasm hone ke time me difference ho, ho sakta hai ki aap dono nervous ho aur yeh baate sex ke time aapke sexual performance ko affect kar sakti hain.

Sex me contraception ka use bhi bohot important hai. Unwanted pregnancy aur STD ( Sexually Transmitted Disease) se bachaav aur safe sex ke baare me baat karna zaruri hai.

Apne partner ke saath apne aur unke sexual history aur STI protection ke baare me baat karne se lekar unn contraceptive tareeko ke baare me bhi baat karen jo aap dono ke liye easy ho. Agar aap dono condom use karna chahte ho toh yeh ensure kare ki wo expire na hua ho aur wo use karne layak ho.

Yeh toh hum sabhi ko pata hai ki real life me sex porn filmo se kahi zyada different hoti hai. Agar aap sex, sex positions aur orgasm ke baare me janna chahte hai toh kisi professional se baat kare ya internet me kisi trustworthy source se information lein. 

Ashleel video aur filmo ko dekh kar opinion na banaaye kyuki yeh kayi myths ko badhawa dete hain. Porn film imaginary hoti hai aur unme kaam kar rahe actors kayi aisi medicines ka use karte hai jinse unke orgasm ka time badh jaata hai. 

Sex ghanto tak nahi chal sakta! Toh porn films dekhkar apne ya apne partner ke upar koi pressure naa daale. Iske alawa genitals ke paas baalo ka hona common hai - zaruri nahi ki har koi unhe shave karne ya wax karne me comfortable feel kare.