Aunty ji
© Love Matters India

Ladkiyo ko orgasm kaise ho jaate hai?

By Auntyji September 15, 04:42 pm
Namaste aunty ji, ladkiyon ko kaise pata chalta hai ki unhe orgasm kab hua hai? Mera boyfriend sex ke baad mujh se puchta rehta hai ki mujhe kitni baar orgasm hua hai. Lekin mere paas koi jawab nahi hai. Sanaah, 18, Pune.

Aunty ji, ‘Arre Beti, Iss ke liye koi telegram nahi aata.’

Sanaah beta, sabse pehli baat yeh ki aisa mat socho ki orgasm gaaje baaje ke saath aata hai. Kabhi orgasm se pehle kuch signs milte hain aur kabhi nahi. Agar tum kuch bada hone ke intzaar me baithi ho toh aisa kuch nahi hoga aur tumhe sirf nirasha hi haath lagegi...samjhi ki nahi? Isliye sabse pehle ye samajhna behad zaruri hai ke tum jis cheez ka intzaar kar rahi ho wo hai kya aur tumhe iska pata kaise chalega?

Body talk

Sex ke dauraan ek achche foreplay me gale lagna, kiss karne jaisi kayi chize hoti hain jo bohot zaruri hoti hain. Short cut me bole toh yeh excitement wala phase hota hai. Iske baad sex me tum jitni dilchaspi se aage badhti jaati ho tumhari excitement utni hi charam par pauhchne lagti hai. Ek phase ata hai jis samay excitement ekdam top par rehti hai aur uss samay bohot hi achchi feeling aati hai, mota mota bole toh isi feeling ko orgasm kaha jata hai. Lekin sach kahu toh har kisi ko alag tareeke se orgasm feel hota hai. Ab sawaal yeh hai ki ye pata kaise chalega… hai na?

Dekho..purusho me orgasm bohot easily se pata chal jata hai. Jab purusho ki excitement ekdam charam par rehti hai toh uss samay penis se chipchipa white color ka substance nikalta hai. Ise semen kehte hain. Kabhi kabhi ye zyada nikalta hai kabhi kum. Iss ejaculation ko hi purusho ka orgasm maana jata hai. Halaki mahilao me bhi aisa hi hota hai lekin ejaculation ya discharge bohot kum hota hai. Iski jagah mahilao ko excitement aur geelapan zyada mehsus hota hai.

Dono ka comparison karna hi sabse badi problem hai. Yeh jaana behad zaruri hai ki purusho ki body mahilaao se bohot alag hai aur har kisi ko sex ka experience alag tareeke se hota hai. Iska koi rule nahi hai!

Orgasm ke rang hazaar

Tumhara boyfriend soch raha hoga ki ‘tumhara orgasm uske jaisa hona chaiye’ aur tum sochti ho ki ‘mera orgasm uski tarah hona chahiye?’ Iss chakkar me tum dono yeh bhool jaate ho ki asli orgasm toh sex ke dauraan milne wala mazaa hi hai… jise tum dono abhi miss kar rahe ho.

Orgasm ki feeling kaafi exciting, mazedaar aur thrilling hoti hai. Har koi apne tareeke se orgasm ki feeling ko bayaan karta hai. Yeh feeling har kisi me alag alag ho sakti hai. Yaha tak ki har baar sex ke dauraan alag alag samay par bhi orgasm ki feeling alag ho sakti hai.

Aahhh se lekar aaha tak!

Mera toh yehi kehna hai ki orgasm hua ya nahi iss chakkar me pado hi mat. Bas uss pal ko jiyo aur feeling ke saath ek dusre ki body ko touch karte huye sex ko enjoy karo. Sex karte samay result ke baare me kuch mat socho.

Question aap dono ko, (specially purushon ko) apne partner se puchna chahiye ki, ‘tumhe kitna achcha laga’ na ki ye ki ‘orgasm hua ki nahi? Body sign par thosa dhyaan do ki tumhare partner ki body kya respond kar rahi hai aur kaisa feel kar rahi hai. Aapas me baatcheet karke ye pata karne ki koshish karo ki tumhe ya use kya achcha lagta hai aur kya nahi/ Phir dekho sex me kitna mazza aata hai.

Privacy banaye rakhne ke liye naam badal diye gaye hain.

Koi sawaal? Niche comment kare ya humare discussion board par LM specialis se puche. Humhara facebook page check karna na bhule.

Love Matters India ek online platform hai jaha pyaar, sex aur relationship par bharosemand, scientific aur facts based information provide ki jaati hai. Agar aap aisi hi aur stories padhna chahte hai toh yaha click kare. Sex se jude fact ki jaankaari ke iss section ko dekhen.

Comments
Add new comment

Comment

  • Allowed HTML tags: <a href hreflang>