female condoms how to wear
Shutterstock/Fotos593

Female condoms kaise use karte hain?

Female condom ko zarurat ke hisaab se ghar par pehna aur hataya ja sakta hai. Yaha mahila condom ka theek tareeke se use karne ke liye kuch tips hain.

Agar aap female condom lene ja rahe hain, toh zaruri hai ki aap unka sahi use karne ke liye kuch baatein dhyaan me rakh lein:

  • Apne partner ke saath kisi tarah ke sexual contact se pehle female condom ko apke vagina me daalna chaiye. Isme oral sex aur sex toy ka upyog jaise vibrator aur dildo (Agar do log mil kar isko use kar rahe hain) bhi shaamil hain.
  • Sirf IS/ISO certified condom hi use kare. IS/ISO ka nishan packet ke upar chaeck kiya jaa sakta hain. Iss surety ki seal se aap befikar ho sakte hain ki aapka condom achchi quality ka hai aur apko ise use karne se koi nuksaan nahi pauhchega.
  • Dhyaan rakhe ki jab aap packet se nikaalte hain toh condom fate nahi.
  • Condom ko vagina mein dur andar tak daale. 
  • Bhale hi condom ke andar chiknai ho, agar aap ise daalte samay uncomfortable hain ya ise vagina me daalne ke dauraan discomfort feel karte hai toh kuch aur lubricant (chiknai) ka use karke use kaafi andar tak slide kare taaki yeh laga rahe.
  • Kabhi kabhi condom vagina ke andar bohot dur tak ja sakta hai. Jab aisa hota hai, toh aapke partner ka sperm apki vagina wall ke sampark me aa jayega aur safety kum ho jayegi. Angoothe tak ki duri pauhch jaane par apko condom ko aage daalna band kar dena chaiye, condom ka lagbhag ek inch aapki vagina ke bahar hona chaiye.
  • Penetration ke dauraan iss baat ka zyada dhyaan rakhe ki penis condom ke andar hee jaye. Agar penis condom ke baahar se vagina mein ja raha hai toh aap ka sex safe nahi hai.
  • Sex ke baad body fluid ke mix hone ki chances ho sakti hai isliye condom ko turant hata dein.
  • Jalan ya chakatte ke khatre ko kum karne ke liye, latex ki jagah polyeuthrene ya nitrol se bane female condom ko use karen.
  • Male aur female condom ko ek saath use na kare, kyuki fir yeh toot sakta hai aur iska effect kum ho sakta hai.

Koi sawaal? Niche comment kare ya humare discussion board par LM specialist se puche. Humara facebook page check karna na bhule.

Comments
Add new comment

Comment

  • Allowed HTML tags: <a href hreflang>