how to increase penis size
Shutterstock/iprachenko

Kya penis ka size bada kiya ja sakta hai?

By Lyandra D'souza June 29, 11:51 am
Aapne penis (ling) ke size ko badhaane ke kayi tarah ke advertisement newspaper, internet aur bus pe chipke poster par dekhe honge. Lekin agar aap bhi in adverstisement mein kahi baaton ko sach samajhkar koi tareeka use karne ke baare me soch rahe hain toh ek baar fir soch lijiye. Kya yeh tareeke sach me kaam karte hai? Jhoothi baaton mein may naa phasein aur sach kya hai ye padhiye Love Matters par.

Myth 1: Mera penis bohot chota hai

Kayi logo ko lagta hai ki unka penis chota hai. Jabki aisa hota nahi hai kyuki jise aap chota samajh rahe hain wo actually normal size hai. Bina tani hui (unerected) penis ki lambaai 2-6 inch ya 6-13 centimeter ke beech hoti hai. Agar penis tani (erect penis) huyi situation mein 2.75 inch/7 centimeter se kum hoti hai toh use micropenis kaha jata hai.  Lekin micropenis bahut hi kam logon mein payi jaati hai. 

Myth 2: Apki penis ki shape aur size apke partner ke liye important hai

Agar advertisement par bharosa kare toh aisa lagega ki apke penis ki lambai(length) aur shape apke partner ke satisfaction ke liye bohot hi important hai. Asal mein zaruri baat yeh hai ki sex ke dauraan apke partner khushi aur satisfaction is baat se milegi ki aap kis hadd tak unki zarurato aur chaahato ko samajhte hain; naa ki iss baat se ki apka penis kitna lamba hai.

Myth 3 : Advertisement bilkul sahi hai

Agar aap soch rahe hain ki iss tarah ke products se aapke penis ki lambai(length) aur chaurai(width) me ekdam se change aa jayega, to yeh sarasar galat hai. Advertisements main dikhaye jaane wale products kitne safe aur successful hai, iske baare me kissi ko nahi pata. Yeh saare daawe jhote hain! 

Haan ye zarur hai ki inke istemaal se apke shareer mein kai haanikarak side effects ho skate hai. Experts ka toh yeh bhi kehna hai ki inke istemal se apke penis ki lambai (length) aur shape par koi asar nahi padta. Aur agar aapko un products ko use karke apni penis ka size badha hua lagta hai toh wo sirf aapke dimaag main hai; asal main aisa possible hi nahi

Penis ki lambai se judi aur bhi bahut saari galat dharnayein hain. Sach janane ke liye penis ki lambai (length) aur shape se jude hamare iss video ko zaroor dekhe. 

Myth 4: Devices aur products ka istmaal secure hai

Vaise toh penis ko bada karne ke kayi yantra (devices) market main bikte hain lekin sabse zyada jo bikta hai - woh hai vaccuum pump aur weight se penis ko khichna. Baap re! Iske barey mein to sochna hi dardnaak hai!

Aisa karne se na sirf penis par chhaale ho sakte hain balki blood vessels (naso) ke fatne ka khatra bhi bana rehta hai.

Myth 5: Penis enlargers se penis ki lambai aur size bahut zada badta hai 

Ho sakta hai ki kuch dawayion ke istmaal se apke penis ki lambai(length) badh jaaye lekin iss baat ke liye bhi ready rahein ki penis size par koi fark na pade. Agar aap lucky huye toh shayad aadha ek inch se apke penis ki lambayi badh jaaye lekin iss baat ki koi gaurantee nahi hai ki isse aapko kisi tarah ka koi khatra nahi hoga.

Myth 6 : Surgery - penis ko lamba karne ke liye iklauta tareeka hai

Surgery ke ilawa aur bhi bahut se options hai. Jaise ki, penis ke baal kaatne se penis ki lambai badhi hui lagegi aur sensitivity me bhi madad hogi. Iske alawa wajan kum se bhi penis thoda bada hua lagega. 

Koi sawaal? Neeche tippani karen ya hamare charcha manch - Just Poocho pe Love Matters ke experts se poochein. Hamara Facebook page check karna na bhoolein. 

Comments
Add new comment

Comment

  • Allowed HTML tags: <a href hreflang>