Penis Size
Shutterstock /Vladimir Gjorgiev

Ling ka size: Mahilaon ko kya chahiye?

Kya mahilaaye chahti hain ki unke saathi ka ling (penis) lamba ho? Ek nayi research ne pata lagane ki koshish ki hai ki mahilaon ko kitna lamba aur mota penis acha laga hai. Iss research main penis ke 3 D models ka istemal kia gaya tha. Aaiye iss baare mein aur jaane

Penis ki lambai aur shape aisa subject hai jise lekar kayi purush bechain rehte hain, wo yeh nahi samajh paate ki darasal sex ke dauraan unke kharab pradarshan ki wajah unke penis ka size nahi balki unka yeh fizool chinta karna hai

Size ki tension karna problem hai

Research se pata chala hai ki jo purush apne penis ko leker khush/santusht nahi hote, unke yaun swasthya (sexual health) me zyada samasyaaye (problems) hoti hain.

Purush ki chinta ka kaaran asal me unka penis nahi hota, balki wo iss baat ko leker pareshaan rehte hain ki unka partner unki penis ke baare me kya sochta hai. Shayad yahi kaaran hai ki yeh topic --”ek mahila ko penis me kya chaiye,” kayi research studies ka main subject reh chuka hai. 

Lekin isse pehle tak researchers ne mahilaon ki penis ko le kar pasand aur napasad ko bahut sahi tareeke se nahi jaancha tha.

Example ke taur par researchers ne mahilaon se poocha ki wo kaisa penis chahti hain - chota, medium ya bada, jaise ki penis ke yehi teen prakaar hote ho. Ya fir wo unhe 2D aakaar wale sketches dikha kar puchte the ki inme sabse achcha kaun sa laga. 

Yahan ye bhi dhyaan dene layak baat hai ki zyadatar penis (unki photo) relax position mein hote the jinse yeh pata lagana mushkil tha ki erect (tane huye) hokar kaise dikhenge.

Toh kya purushon ko iss baare me chinta karni chaiye ki normal penis size kya hota hai ya penis size ko kaise badhana hai? Aayiye pata lagaate hai in kuch sawalon ka.

Dekh kar aur touch kar ke  

American researchers ka ek group isme kuch badlaav chahta tha. Unka manana tha ki agar iss baare me achook jaankaari mil jaaye toh usse purushon ke andar ka darr khatam karne me kaafi madad mil sakti hai.

Researchers jaante the ki log cheezon ke aakar ko pehchaanane mein sahi decision dekh kar aur touch kar ke hi le sakte hain. Penis ke aakar main bhi same tha. Is liye unhone penis ka 3D model liya aur 75 vishmlaingik mahilaon se unka opinion poocha. 

Un mahilaon ko yeh batana tha ki agar wo kisi serious relationship mein hongi toh kaisa penis pasand karengi aur short term relationship ke liye kaisa?

Mahilaon ne aam taur par average se kuch lambe ling (penis) ko pasand kiya. Lekin yeh iss par nirbhar karta hai ki aapke liye average kya hai aur yeh ek tricky sawaal hai kyuki penis ke alag alag size aur type ho sakte hai. 

Naturally, yoni ki banawat aisi hai ki wo har tarah ke ling (penis) ke saath taal mel bana sakti hai. Erected penis ki lambai 7 se 17 cm ke beech hoti hai. Zaahir hai jab range itna zada hoga toh alag alag studies ke hisaab se average bhi alag hoga, lekin aam taur par average 12 ya 13 centimeter ki maani gayi hai.

Halanki, is khoj mein adhyankartaon ne ek American penis ki average lambai ko 15.2 centimeter aur circumference (paridhi) ko 12.7 centimeter bataya. Yahan ye important hai ki baat American penis ki ho rahi hai kyuki duniya bhar me penis ke sizes alag paaye gaye hain. 

Indian penis ke aakaar par Mumbai me ek study ki gayi thi aur tab average 11.5 aur 12.5 centimeter ke beech nikli thi.

Farq nahi padta

Sex enjoy karne ke liye mahilaon ke according normal penis size kya hota hai? Mahilaon ne gambeer rishte (long term/serious relationship) ki tulna me ek raat ke rishte ke liye bade penis ka chunaav kiya. 

Casual sex ke liye ideal penis 16.3 centimeter lamba aur gherao mein 12.7 centimeter hona chaiye. Long term partners ke liye mahilaon ne 16 centimeter lamba aur circumference 12.2 centimeter ke size ko chuna. Lekin inn numbers ko dekhkar apko ghabrane ki zaroorat nahi hain.

Kayi mahilayein aisi bhi thi jo itne saare options dekhkar itni pareshaan ho gayi ki ek bhi option nahi choose kar paayi aur paanch me se ek mahila ka kehna tha ki unhe apne saathi ke ling (penis) ke size se koi farq nahi padta.

Ling (penis) aur mahilayein unke baare me kya sochti hain ke upar aur bhi kayi researches kee ja chuki hain. Iss baare me hui Swiss research se ye pata chala tha ki aakaar se zyada mahilayein iss baat par dhyaan deti hain ki penis (ling) dikhne me kaisa hai.

Humara yeh video batayega ki ek mahila ko penis me kya achcha lagta hai aur isse judi kuch galat dhaaranao ko bhi mitayega. 

Reference: Women’s Preferences for Penis Size: A New Research Method Using Selection among 3D Models. PLOS One. (2015) 

Koi sawaal? Neeche tippani karen ya hamare charcha manch - Just Poocho pe Love Matters ke experts se poochein. Hamara Facebook page check karna na bhoolein. 

Comments
Add new comment

Comment

  • Allowed HTML tags: <a href hreflang>