Ladies compartment kya hai?
Ladies Compartment Whatsapp aur Facebook par do groups hani. Yeh dono group Love Matters dwara mahilayon ke liye ek surkshit mahaul dene aur yaun, prajanan swasthya par slah lene ke liye launch kiye gaye hain. Love Matters yaun, prajanan swasthya aur adhikaro (SRHR) ki jankari se juda bharat ka sabse pramukh digital platform hain. Is group me kewal amantran diye jane par hi jud sakte hain.
Kaun shamil ho sakta hain?
Agar aap ek mahila hain aur kam se kam 18 saal ki hain to aap hamare Facebook aur Whatsapp ki broadcast list se jud sakti hain.
Group me hum kis prakar ki baton par charcha kar sakten hain?
Jab bhi ek mahila ke sharir, yaun swasthya aur adhikaro ki baat aati hai - to aisi bahut sari jankari hai jo mahilayein lena chahti hain lekin online poochne se darti hain kyuki veh na kewal sharm aur jhijhak mehsoos karti hai balki agar galti se kisi group me koi swal puch diya ya comment kar diya, to unhen ladko ke friend request aane shuru ho jate hain.
In sab mushkilon ko maddeanazar rakhte hue Love Matters ne mahilayon ke liye yeh special group banaye hain.
Yahan aap bejhijhak apne sharir se sambandhit jankari prapat kar sakte hain ( jaise : yoni mein sankraman, yoni ko saaf kaise rakhen, breast pe jankari) yaun swasthya ( jaise: Pehli baar sex karna, sex ke dauran dard, garbhawastha, garbhdharan ki koshish karna, STD/STI) , Prajanan swasthya ( jaise: garbhnirodhak ka chunav, garbhsamapant ki goliyan prajanan sambodhit muden, Rishten ( jaise: dating, bf/gf ke mudde, vavahik jeevan me problem) , Payar (jaise: kaise propose karen, love life,, Break- up) sex (jaise: Mahila ke liye anand, hasthmaithun) aur yahan tak ki rojmara ki zindgi ki samsyaen (meri buri adat se kaise chutkara paye, sakaratmak kaise mahsus karen)- in sab baaton pe baatcheet kar expart ki slah bhi le sakten hain.
Hum kaise sunishchit karte hain ki group me kewal mahilayen he hain?
Hamare platforms ( Facebook aur WhatsApp) par mahilaon ko verify karke he joda jata hai. Group mein judne se pehle hum aapke phone number par call karenge ki aap mahila hain aur tabhi aapko group me joda jayega.
Yah tarika sunishchit karega ki mahilaye iss group me free mehsoos karein aur bina sharam, jhijhak ke baat karein. Iske atirikt, Love Matters mahilayon ki suraksha sunishchit karne ke liye harpost ko moderate karega.
Yah baki mahila groups se kaise alag hain?
Hamari teem dawara sakhti se modration ke alawa, Ladies Compartment me mahilayon ki problems ke solutions ke liye experts hote hain. Facebook mein jahan aur groups main mahilaonn ki problems ko solve karne ke liye group ke members hi jyadatar slah dete hain; hum koshish karenge ki hamare groups me aisa na ho.
Hamari experts ki team ldies dwara pooche gaye questions ke answer 24 se 48 ghanoton ke andar karne ki koshish karegi.
Humari WhatsApp broadcast list se kaise judein?
Humari WhatsApp broadcast list me shamil hone ke liye - ‘Hi, Ladies Compartment’ likh kar +91 9650041109 par bhejein. Hum apka number confirm karne ke baad apko list se jod denge.
Hamare Facebook group se kaise judein?
Hamare Facebook group se judne ke liye is link par click karein aur instructions follow karein. Apko verify karne ke baad group mein shamil kar denge.
Mujhe in groups se judne par kaise fayada hoga?
Love Matters ki team ke pass iss area main bahut zyada expertise aur experience hain, jisse ki group ki ladies ko help milegi. Hum India ke sabse bade digital platform hain jo young logon ko sabhi tarah ki jankari, unki jaruart ke hisahb se dete hain.. Hum 2011 se naye- naye media formats ke jariye payar, sex aur rishton par bina judhe kiye hue, scientific aur sahi jaankari dete hain.
Love Matters ki website par 2 crore se adhik log visit kar chuke hain. Hamare Facebook page ko 14 lakh logo ne pasand kiya hain aur yah bharat ka sabse bada SRHR page hain. Whatsapp, YouTube, Instagram aur Twitter par kul milakar lagbhag 50,000 log juden hue hain.
Love Matters ground par bhi kaam karta hai aur hamara ek project Bihar me gat varsho se jari hain. Love Matters ne desh bhar me workshops, projects aur training prgramskiye hain.
Love Matters mostly18 - 30 saal ki umar ke beech ke young logon ki problems aur jarurton par focused hain. Hum sabhi yuwaon ki jaruraton ko dekhte hue SRHR mudon par adhikaro, langik samanata, aur yaun sambandhi jankariyan dete hain.
Ladies Compartment ke alawa, hum pyar, sex aur rishton par Let's Talk namak 24×7 online helpline chalate hain. Let's Talk/Just Poocho ke users Hindi aur English bhasha mein apne swalo ko post kar sakte hai aur hamare sexpert ( sex education ke experts) se 24 se 48 ghanto ke andar jawab pa sakte hain.
Ladies Compartment internet par ek safe space dene aur un mahilayon ke liye sabhi online difficulties ( jo unhe online sex aur shaeer se judi jankari lene se rokti hai) ko door karne ke liye hamari doosri pehel hai.