20 saal ki Sukriti Delhi ke ek college me final year ki student hain.
Ladke, no chance!
Maine co-ed me apni 12th tak ki padhai khatam karne ke baad ek girls college join kiya. Sach kahun toh yeh sochkar main thodi tension me thi ki college me chaaro taraf ladkiya hi ladkiya hongi aur mai unke beech kaise manage karungi. Lekin college join karne ke baad dhire dhire maine kuch friends bana liye aur ladkiyo ke kayi groups se bhi jud gayi.
Shuru me sab kuch bohot mazzedaar raha - gossips, masti, gaane, ladke, fashion ki baaton ke saath aisi kayi chize thi jinhe hum khub enjoy karte the. Par roz ladko ko na dekh paane ka malaal toh rehta tha.
Back benchers
Ek din maine notice kiya ki lunch break me meri friends, Mitaali aur Anushka, piche ki bench par gayi aur apne phone me kuch dekhne lagi. Shuru me toh maine dhyaan nahi diya. Lekin kuch hi dino me kayi aur ladkiya unke saath piche ki bench par baithne lagi. Kya kar rahi thi, pata nahi, magar har thodi der me wo khilkhilaati, funny chehre banaati aur thahaaka maar kar hasne lagti.
Maine socha ki ho sakta hai wo log jokes ya kuch padh rahi hongi isliye maine kabhi bhi dhyaan nahi diya.
Lunch break me sabhi ladkiya piche ki bench par chali jaati thi aur mai akeli reh jaati thi. Aise karte karte ek week beet gaya toh mujhse raha nahi gaya. Maine Mitaali se puch hi liya ki akhir tum sab log lunch break me kya dekhti ho? Mujhe bhi batao.
Unn ladkiyo me se ek ladki muskurayi aur apne hontho par ungli rakh ke boli, ‘Porn..yaar. Tumhe kuch clips dikhau?’ Maine turant mana kar diya aur mujhe aisa laga mai kuch galat karte huye pakdi gayi hun. Mujhe samajh me nahi aa raha tha ki kaise react karu. Break khatam ho chuka tha aur hum sabhi apni seat par wapas aa gaye. Ab Economics ki class me mera mann hi nahi lag raha tha.
Porn aur Ladkiyan?
Agle din jab lunch break hua toh sabhi ladkiyan slow internet signal ko lekar pareshaan thi. Kisi ke paas karne ko kuch nahi tha toh sabhi ek saath baithkar baate karne lagi ki porn video ki awaz kitni nakli lagti hai na aur ladko ki stamina bhi nakli hota hai. Dusri ladkiya unki baate sun rahi thi, mai bhi wahi ekdam chup chaap khadi thi.
Sabhi ladkiya bade excitement se aur bina sharmaaye ye sab baate kar rahi thi. Mere liye yeh ek naya experience tha. Maine iss tarah ki baatein kisi se share karne ke baare me kabhi socha bhi nahi tha. Mujhe yeh sab bohot ajeeb lag raha tha aur gussa bhi aa raha tha. Mere hisaab se ye sab galat tha aur mai unhe rokna chahti thi.
Mann hi mann mai ghabra gayi ki kya mai galat logo ke beech fans gayi hu? Kya ye ladkiyan buri hain? Yaha tak ki maine yeh bhi soch liya ki mujhe apna college hi badal dena chahiye. Mere liye porn bohot gandi chiz thi jise sirf bure ladke hi dekhte the. Porn aur ladkiya? Yeh toh kabhi socha hi nahi tha.
Bas itni si baat?
Agle din Mitaali class me mere paas aayi aur pucha ki kya tum mujhse naraz ho. Inn dino main usse zyada baat nahi karti thi. Uske puchne par mere mann me jo chal raha wo sab maine uske saamne keh diya. Maine use yeh bhi bataya ki mujhe porn pasand nahi hai aur use bhi kum se kum college me porn nahi dekhna chahiye.
Jis tarah se maine use daanta mujhe laga ki wo yaha se uth kar chali jayegi aur humari dosti khatam ho jayegi. Lekin aisa kuch karne ki bajaaye usne yeh kaha ki - ‘Bas itni si baat? Yeh toh normal hai aur bura feel karna bhi theek hai. Shuru me mujhe bhi aisa hi laga tha. Lekin dheere dheere mai ise enjoy karne lagi’. Usne mujhe bataya ki porn dekhne ke baad usne pehli baar masturbate bhi kiya tha aur bohot mazza aaya tha’.
Gussa mat hona
Agle hafte humare paper shuru ho gaye aur mai porn aur ye saari baatcheet bhul gayi. Ladkiya bhi porn bhool kar notes aur books padhne lagi. Hum sabhi bohot pressure me the.
Paper khatam hone ke baad Mitaali ne mujhe mere birthday par ek chota sa box gift kiya.
‘Akele me kholna isko’, box pakadte huye Mitali ne aankho se ishaare ishaare me kaha. Mujhe laga ki usne zarur kuch shararat ki hogi isliye mai ghar me sabke sone ka wait karne lagi. Raat me jab maine box khola toh usme ek pen drive ke saath chota sa note tha, jisme likha tha - ‘Gussa mat hona, jaao ab mazze karo.’
Mai turant samajh gayi ke pen drive me kya hai! Mere haath kaanp rahe the.. Lekin mai kaafi excited bhi thi. Maine apne earfone ko apne laptop me lagaya aur porn dekhne lagi. Sach me yeh utna bura bhi nahi tha jitna maine soch rakha tha!
Privacy baaney rakhne ke liye naam badal diye gaye hain, picture me model ka istmaal kiya gaya hai.
Kya aap bhi hum apni kahani batana chahte hai? Niche comment kare ya humhare discussion board par LM experts se baat karein. Humara facebook page check karna na bhule.
Love Matters India ek online platform hai jaha pyaar, sex aur relationship par bharosemand, scientific aur facts based information provide ki jaati hai. Agar aap aisi hi aur stories read karna chahte hain toh yaha click kare. Sex se jude facts ki jaankaari ke iss section ko dekhen.