Symptoms of Pregnancy in First Week
Shutterstock/pathdoc

Pregnancy ke pehle hafte ke symptoms kya hai?

Apke periods miss hone se pehle bhi apko pregnancy ke kuch shuruaati lakshan (symptoms) mil sakte hain. Lekin dhyaan rakehin ki pregnancy ke kuch pehle lakshan pre-menstrual symptoms (PMS) yani ki periods shuru hone se pehle wale lakshanon ke jaisa bhi ho sakta hain.

Pregnancy ke sab se pehle symptoms kab shuru hote hain?

Kya aapko yaad hai ki aap ko last time periods kab huye the? Is date ko pregnancy ka ek week mana jata hai - Haan, bhale hi aap iss date me pregnant nahi thi

Pregnancy ke week 2 apke period ke date ke agla week hai aur isi tarah aage ke sab week gine jaate hain. Toh kya mahilao ko pehle week me pregnancy ke symptoms aa sakte hain?

Apke periods miss hone se pehle bhi apko kabhi kabhi pregnancy ke kuch starting signs mil sakte hain. Kuch mahilao ke liye pregnancy ke shuruati symptoms conception (sex kee baad sperm aur egg ka milna) ke baad pehle kuch weeks me dikhaayi dene lagte hain. 

Pregnancy ke symptoms ko samjhna aasaan nahi hota. Usually period miss hone ke baad jab tak pregnancy test ghar pa na ho pregnancy ke baare me pata nahi chalta hai. 

Pregnancy ke kayi start symptoms kabhi kabhi premenstrual symptoms (periods se pehle aane wale symptoms) ke samaan bhi ho sakte hain. Toh apni pregnancy ke baare me pata lagaane ka sabse achcha tareeka ghar par pregnancy test karna hai. Halaki, agar aap pehle month me pregnancy ke symptoms janna chahti hain, toh niche di gayi list apke liye hai. 

Periods miss hone se pehle pregnancy ke kuch symptoms:

  • Breast mein dard: Yeh ek symptom ho sakta hai ki aap pregnant hain, lekin aisa dar breast ki growth ke karan bhi hota hain. Toh issme age bhi ek factor hai. 
  • Kaam karne ki takat mein kami lagna ya thakaan hona 
  • Bahut zyada smell aana 
  • Body temperature normal se thoda sa zyada hona 
  • Jee machalna : Agar aap kuch dino ke liye bimaar feel kar rahe hain, specially subah me, toh pregnancy test kar lena chaiye 
  • Apke periods start nahi ho rahe hai.
  • Apko bas spotting yaani bohot halki bleeding ho (dhabbe padna) rahi hai. Jab aap pregnant ho toh kabhi kabhi apko thodi si bleeding ho sakti hai.
  • Sar me dard
  • Constipation
  • Chakkar ana 
  • Mood ka pata nahi chalna - mood jaldi kharab hona aur uske baad bilkul theek bhi hona. 
  • Kuch na khaane ka mann karna
  • Lagataar toilet jana

Pregnancy ke starting symptoms aapko kitni jaldi ho sakte hain?

Periods ya menstruation hone se pehle aapko breasts me pain aur tarah tarah ke smell aana jaise kuch signs dikhaai de sakte hain. Kuch females me ye sign pregnant hone ke kuch dino baad hi dikhai de sakte hain.

Halaki, kayi females ko pregnancy ke dusre starting signs - jaise spotting ya jee michalana (nausea) - pehle hafte ke baad aa sakte hain. Yeh woh hafta hain jab sperm egg se mile jata hai. 

Pregnancy hone ke do hafta ke baad kayi females ki breasts ka heaviness hona aur baar baar peshab aana bhi ek sign ho sakta hai. Pregnancy shuru hone ke signs alag alag females me alag alag dikhai dete hain. Toh pregnancy ke ye starting signs pregnancy ka pata lagaane ka koi tareeka nahi hain.

Agar aapne unsafe sex ( bina condom ya bina kissi aur garbnirodak ke) kiya hai aur aapko tension ho raha hai ki kahin aap pregnant to nahi, toh pregnancy test hee sabke sahi tareeka hain pregnancy confirm karne ke liye.

Photo mein model hain.  

Koi sawaal? Neeche tippani karen ya hamare charcha manch - Just Poocho pe Love Matters ke experts se poochein. Hamara Facebook page check karna na bhoolein. 

Comments
Rohit kumar
Sun, 04/04/2021 - 03:57 pm
Mam mene apni gf ke sath unprotect sex kiya or usi din uske period suru hue the but jis time sex kiya tha us time bus starting thi or next day se usko sahi se period hue or full hue but ab usko thodi prblm ho rhi h pain b halka nd kuch spot bhi aa rhe h to kya samjha jaye mam plz tell me and help me plz kya wo pregnant ho sakti h plz tell me
Period ke DAURAAN? Tab toh pregnant hone ka chance na ke barabr hai beta.Phir bhi kisi bhi risk ya sankramn se bachne ke liye condom ka isteaml anivarya hai. https://lovematters.in/hi/resource/faqs-period https://lovematters.in/hi/news/sex-during-my-period-do-i-need-contraception Aur unsafe sex ke baad bhee periods ho rahe hain toh ismein bhi pregnancy ke chances na ke barabar hai. Phir bhi yadi aap aur safe hona chahtey hain to chemist se liya gaya ek Home pregnancy test kit se test kar leejiye aur sthiti nischit kar leejiye. https://lovematters.in/hi/pregnancy/home-pregnancy-tests-dos-and-donts Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum
Add new comment

Comment

  • Allowed HTML tags: <a href hreflang>