Agar aapne pichle 72 hours me unprotected sex kiya hai toh anchahi pregnancy ko rokne ke liye aap morning after pills ya emergency contraceptive pills jise ECP ke naam se bhi jaana jata hai, le sakti hain ya kisi registered doctor ke paas jakar IUD jise hum Copper T ke naam se bhi jaante hai lagwa sakti hain.
Iss baat ka decision kaise kare ki aap kya karna chahti hain?
Kya mai pregnant ho sakti hun?
Checklist
- Kya aapne kisi tarah ke contraceptive ka use kiye bina sex kiya tha?
- Kya aapne aise condom ka use kiya jo sex karte samay fatt gaya?
- Aap contraceptive pills leti hain, lekin uss din lena bhul gayi?
- Aap contraceptive pills leti hain, aur ab antibiotic medicines bhi li?
- Aap contraceptive pills leti hain, aur usko khane ke 4 ghante ke andar apko ulti (vomit) ya dast ho gaye?
Agar aapne sex kiya tha aur inme se kisi bhi sawaal ka jawaab, haan hai, toh aapke pregnant hone ki possibility hai.
Ho sakta hai ki main pregnant hun, ab kya?
1. Aap pregnant nahi hona chahti hain
72 hours ke andar
- Emergency contraceptive pills - Agli subah li jaane wali goli (the morning after pill), ya emergency contraceptive pill jise ECP(Emergency Contraceptive Pill) ke naam se bhi jana jata hai, lein. Apko ise sex karne ke 72 ghanto ke andar lena hoga.
4-5 dino ke andar
- Emergency contraceptive (The morning after IUD)
Dusri tarah ki emergency contraceptive Copper T ya IUD hai. Apko ise kisi panjikrit doctor se lagwana hoga. Yeh apke dwara unsafe sex kiye jaane ke chaar se paanch dino ke andar hi possible hai.
Pregnancy test
Agar apke unsafe sex karne ke baad paanch din se zyada beet jaate hai toh morning after pill ya IUD ke liye kaafi der ho chuki hai. Aap pregnant ho sakti hain. Aap pregnancy ka test karke iska pata laga sakti hain.
Kaise pata kare ki aap pregnant hain ya nahi?
Pehle wait karein aur dekhein ki aapke monthly periods ya mahawari hote hain ya nahi. Apne monthly periods ke din tak wait karein. Agar apke periods ya mahawari pehle ki tarah shuru nahi hoti hai, toh monthly periods aane wale pehle din pregnancy test kare.
Tab tak aisa koi tareeka nahi hai jisse pata chal sake ki aap pregnant hai ya nahi. Iss waqt apke body me utne hormones nahi hote ki reliable pregnancy ka test kiya ja sake.
Ghar pe pregnancy ka test
Apke periods jis din shuru hone chaiye the uss din aap ghar pe pregnancy test kar sakti hain. Aap chemist se ya dawai ki shop se pregnancy testing kit khareed sakti hain. Yeh test apne aap easily kiya ja sakta hai.
Peshaab karte samay test strip ko kuch second peshaab ki dhaar ke niche pakdein rakehin. Iske liye sabse achcha time subah ka pehla peshaab karte time hota hai, kyuki uss time apke peshaab me hormones zyada matra me rehte hain. Test kit me “test karne ke instructions” aur result pehchanne ka tareeka bhi aasaan bhasha me diya hota hai.
Kuch minute baad ua aadha ghanta (jaise aapke test ke brand par likha ho), aap result dekh sakti hain.
Yeh sure karne ke liye ki aap test theek tareke se kar rahi hain, diye gaye instructions ko dhyaan se padhein. Aap doctor ya clinic se bhi pregnancy test kara sakti hain.
Result
Agar test negative hai, toh aap possibly pregnant nahi hain, lekin yeh bilkul surety se nahi kaha ja sakta. Ho sakta hai pehli baar apki peshab me apko pregnant batane ke liye paryaapt hormone na ho. Bilkul pakke tarike se sure karne ke liye kuch dino ke baad dusra test karna achcha rahega.
Agar test positive hai, toh aap pregnant hain.
Ab aage kya karen?
Ye iss baat par depend karta hain ki aap abhi apne life mein bachche chahte hain ya uske liye taiyar hain ya nahi.
Pregnant hone se khush hain?
Apko Badhai! Apne ghar ke paas kisi panjikrit doctor, ya health centre se milne ke liye appointment le lein.
Pregnant hone se khush nahi hain?
Agar aapne pregnant hone ka plan nahi tha, toh agar aap chahe, aap abortion kara sakti hain. Agar aap pregnant hain aur bachcha nahi chahti hain toh aap abortion karaane ke baare me soch sakti hain. Yeh iss baat par nirbhar karega ki jahan aap rehti hain, wahan ye suvidha uplabhdh (available) hai ya nahin. India me abortion ki suvidha government hospitals me available hai.
Aap chahe toh bachche ko janam bhi de sakti hain. Agar aap na chahte huye pregnant ho gayi hain toh savdaani se soch vichaar kar iss barein mein faisla karein.
Apko pata nahi ki aap kya chahti hain?
Apne doctor se mile. Aap apni paristhiti ke anusaar tarah tarah ki situations ke baare me baat kar sakti hain. Aap jo bhi faisla karen, soch - vichaar kar karein.
Apke faisle ke serious result ko sakte hain. Isliye confirm kar lein ki aapko sahi faisla lene ke liye sabhi zaroori information aur help mil gayi hai.
Aur agar apka period shuru ho gaya hai?
Agar apka period shuru ho gaya hai toh aap pregnant nahi hain. Lekin agar aap abhi bhi tension mein hain - example ke taur pe periods ka normal se kam aana - toh aap kabhi bhi pregnancy test kar sakti hain.
Unchahi Pregnancy (Unwanted pregnancy) ke baare aur information ke liye iss link par click karen.
Gopneeyata ka dhyaan rakhte hue naam badal diye gaye hain aur photo mein model hain.
Koi sawaal? Neeche tippani karen ya hamare charcha manch - Just Poocho pe Love Matters ke experts se poochein. Hamara Facebook page check karna na bhoolein.