Penis shapes and sizes in India
© Love Matters | Rita Lino

Ling ke shape aur aakar

Penis alag alag shapes aur sizes ke hote hai. Aur sabhi alag alag dikhte hai - straight (seedha) , curved (tedha), long (lamba) thick (mota), thin (atla), khatna (circumsized) kiya hua aur bina khatna ke (uncircumcised). Inme se koi kisi se better ya bekaar nahi hota. Penis kisi ek taraf jhuka bhi ho sakta hai.

Unerected (bina tane huye) penis ki lambai 6 se 13 centimeter tak ho sakti hai. Erected (tani) hui penis lagbhag 12 se 21 centimeter tak lamba ho sakta hai. Bade penis ki tulna me chote penis erect hone par zada badhte hai.

Kuch ladke penis ke shape ( apne ya dusre logo ke) ko leke kaafi mazak karte hai. Aksar aisa isliye hota hai kyuki wo insecure feel karte hain, ya wo apne ko balwaan (stronger) jatana chahte hai ya khud ko zyada jaankaar (expert) dikhana chahte hain.

Here’s a short, animated video about penis shapes and sizes. It busts some harmful myths and unravels some important facts.

Kya size se kuch farq padta hai?

Agar apka penis bada hai toh zaruri nahi ki aap achche lover hai, aur iska matlab yeh bhi nahi ke aap behtar sex kar sakte hai. Mahilayen sex se pehle foreplay aur rishte ki santushti ko bhi apne partner ke penis ke size jitna hi importance deti hain. 


 

Kya condom alag alag sizes me milte hai?

Haan. Jab aap condom kharidte hain toh aise condom lene chaiye jo apko fit aaye. Zyadatar condom normal lambai wale (4.7 - 5.9 inch/ 12 - 17 centimeter) erected (tane huye) penis me fit hone ke liye banaye jaate hain.

Kyuki zyadatar condom average size wale penis ke liye banaaye jaate hain, isliye yaha chote condom aur bade condom ke kuch examples (udaharan) diye gaye hain.

Kya kuch jaatiyon ya doosre desh ke logon (ethnic samooh) ke penis bade hote hai?

Yeh saabit karne ke liye aise koi pakke saboot nahi hain ki kuch jaatiyon (ethnic group) ke logon ke penis dusro se bade hote hain.

Halaki World Health Organization (WHO) jaise kuch organisations ne purusho ke erect penis (tane huye) ke sizes me thoda antar bataate huye kaha hai ki

  • Africa origin ke purusho ka penis kuch bada aur mota hota hai
  • European origin ke pursho ka penis medium size ka hota hai
  • Asian origin ke purusho ka penis kuch patla aur chota hota hai

Kya aap kisi insaan ke haath ya paer ke size ke aakaar se unke penis ki lambai bata sakte hai?

Nahi, joote ke bade size ya bade haath hone ka penis ke bade hone se koi relation nahi hain.

Kya aap penis ko bada ya mota karwa sakte hain?

Aisi koi bina operation wali technique nahi hai jisse kisi penis ko permanently bada bana sake.

Penis badhaane ke dusre tareeke (products) jaise ki goliyan, weight aur khichne wale devices ke istemaal se koi fayda nahi hota. Sabse buri baat toh yeh hai ki ye sab apki health ke liye kaafi khatarnaak ho sakte hain.

Micropenis kya hai?

Micropenis uss penis ko kaha jata hai jiski lambai erect huyi ho to 2.75 inch/ 7 centimeter se kum hoti hai. Aisa tab hota hai jab maa ki kokh (mother’s womb) me bachche ke vikas ke dauran purush hormone testosterone ka level kaafi kum hota hai.

Zyadatar ladke jinhe apne penis ke micropenis hone ki chinta hoti hai aur Doctor ke paas jaate hain, unke penis asal mein bilkul normal hote hain. 

Aksar penis apne real size se chota dikhta hai kyuki yeh sexual organ ke aas paas ki fat se chipa hota hai.

Aksar kishoravastha (adolesence) mein pahuchne se pehle ladkon ke body ke size ki tulna me uska penis chota lagta hai.Yeh koi chinta wali baat nahi hai, kyuki jab kishoravastha (teenage) shuru hogi, tab penis ki lambai (length) aur chaurai (width) bhi badhegi. 

Kitne bade penis ko bada kaha ja sakta hai?

American plastic surgery academy ne tane huye penis (erect penis) ko mapa aur paya ki :

  • 3 % purusho ke erect penis ki lambai 7 cm /2.75 inch hain
  • 4 % purusho ke erect penis ki lambai 12 cm /4.7 inch hain
  • 75 % Purusho ke erect penis ki lambai 15 cm /5.9 inch hain
  • 15 % Purusho ke erect penis ki lambai 18 cm /7.1 inch hain
  • 3 % Purusho ke erect penis ki lambai 20 cm /7.9 inch hain

Agar aap apni penis ko maapana chahate hain, to ise tab karein jab yeh seedha ho, oopar kee taraf - aapake pet ke sabase kareeb. 

Koi sawaal? Neeche tippani karen ya hamare charcha manch - Just Poocho pe Love Matters ke experts se poochein. Hamara Facebook page check karna na bhoolein. 

Comments
Add new comment

Comment

  • Allowed HTML tags: <a href hreflang>