Yogesh beta sabse pahle khud ko shant kijiye, relax!! Suniye, mar jana kisi samasya ka hal nahi ho sakta hai, aur koi bhi aisee samasya nahi hai, jiska samadhan na ho, toh jine ke liye ready ho jaaiye aur samasya ke samadhaan ke liye bhi- poore josh aur himmat ke saath. OK! Bete jab aapke paas abhi koi job nahi hai toh aap apni shadi ko kuchh din ke liye taalne ki koshish kijiye, iske baare mein apne gharwalon se baat kijiye aur ho sake toh apni honewali patni ke gharwalon se bhi, ki aap abhi jimmedari uthane ke kaabil nahi hain. Aur shadi ke baad bahut sari jimmedariyan uthani padti hain- bahut sari zaruraten hoti hain. Koi job dhundiye, apne laayak, tab shadi karne ka faisala kijiye- nahi toh ho sakta hai ki aap aur aapki patni dono khush nahi rah payen, hai na bete! Aur jahan tak sex samasya ki baat hai toh maine uska zawab de diya hai, use padh lijiye. Aapko Auntyji ka bahut sara pyar, best of luck bete aapki naukari ke liye. aapke dubara likhne ka intezaar rahega! Yadi aap is mudde par humse aur gehri charcha mein judna chahte hain to hamare discussion board “Just Poocho” mein zaroor shamil ho! https://lovematters.in/en/forum